Hotel Imperial House

🙂 كل شيء جميل ف الفندق

نوع الرحلة: مسافر منفرد

الدولة: الإمارات العربية المتحدة

🙂 الغرفة واسعة والحمام واسع ولكن بدون شطاف الفندق صغير وحلو ومافيه مصعد ولكن اللي في الاستقبال شال الشنط الله يعطيه العافية وفيه بلكونه في الغرفة السعر متوسط

🙁 ازعاج الشارع تسمع اللي يكون في الشارع ويتكلمون

نوع الرحلة: زوجان

الدولة: المملكة العربية السعودية

🙂 راح الخص سلبيات وايجابيات الفندق وجميع الملاحظات لتكون مرجع لغيري لان وقت اللي حجزت كانت التعليقات قليل جداً واغرتني الصور والاطلاله وعلى اساسها حجزت وهي مختلفه عن الواقع تماماً وحتى الوصف ، اكثر شي يشفع للفندق ان كل شي حوله هو داخل حي تمشون شوي وتطلعون على شارع فيه المطاعم حواليكم الحلال والايرانيه ومطعم الف ليله وليله في الشارع المقابل والميدان قريب منه كله مشي ماياخذ عشر دقايق وسبار موجود سوبر ماركت اربع وعشرين ساعه مفتوح وفي بعد سوبر ماركت ثاني جنبه بنفس الشارع وبقالات صغيره ومكتب تحويل عمله وسعر الصرف فيه ممتاز مافي تلاعب ومن الميدان مشي للتلفريك والجسر للي يحبون المشي كل شي حولكم مايحتاج سياره واذا بتستخدمون للتنقل تطبيق بولت رخيص جداً ، موجود افطار في الفندق وتنظيف للغرف ،حجم الغرفه كبير جداً والسرير بعد

🙁 موقع الفندق صح ان قريب جداً للميدان وكل شيء حولك لكن عيبه ان داخل حي لازم تمشي شوي وتطلع للشارع في النهار الوضع تمام لكن بالليل مخيف جداً ومظلم والبيوت اللي حوالينه وقباله تخوف صراحه كأنها مهجوره ومظلمه مع ان فيها سكان لدرجه كنا لمن نرجع باليل نتلفت واي حد نشوفه يمشي نركض من الخوف مافي حياه ابد داخل الحي وهادي جداً جداً اللي يبغي هدوء يصلحله ماتسمعون صوت من برا بس اصوات اللي داخل لو حد تكلم او تحرك لان عوازل داخل الفندق دمار واعطونا غرفه دور ارضي جنب الاستقبال لمن يسولف اللي في الاستقبال كل صوته وحركته عندنا والصباح يكون حركه وازعاج اول الصبح ، الاستقبال عباره عن كرسي وطاوله للموظف مافي مكان تجلسون ابد صغير، بوفيه الافطار كنك بسجن اول مره اشوف بالحياه كذا صدمه وخيبه امل كان بالقبو مافي نوافذ ولافتحات ولاتهويه ولاتشوفون شمس ابد وصغير ومكتوم حسيت بالخنقه والبوفيه فقير جداً طاوله صغيره ومافي مشروبات ولا آلة للقهوه الا هيتر ماء مغلي واكياس شاي اسود واخضر بس ،الفندق تحسون بالعصر الحجري مافي بطاقه يعطونك مفتاح وفي مشكله مايقفل عدل ولايفتح نجلس فتره نجرب لين يفتح معنا مكتوب ان في حديقه ماهي حديقه هذا مدخل الفندق برا حاطين طاولتين وفي غرفه لحارس امن وطول وقته بالغرفه يعني مايكون برا عند المدخل ويشوف الداخلين والطالعين وللامانه هم يشيلون الشنط ومافي مصعد وفي تنظيف للغرف ، الماي والشاي والقهوه داخل الغرفه اول ليله بس بعدين مايحطون واتوقع اغلب فنادقهم نفس النظام وبعضهم مايحطون شيء وبالنسبه للحجز بوكنق ماسحبو من البطاقه لمن وصلت هناك تفاجئت بموظف الاستقبال يطلب مني ادفع يعني هنا بس تأكيد حجز وهناك تدفعون يعني تقدرون تحجزون مباشره من هناك وبس من وجهة نظري واشوف الافضل تحجزون فندق على شارع مشكله اغلب الفنادق هناك داخل احياء وبتبليسي القديمه حول بيوتهم بس دورو وانتبهو للتعليقات اقروها بالتفصيل قبل تتورطون ولايغركم النجوم هم يصنفون على كيفهم يجي بيت فيه اربع غرف ويكتبون فندق ويحطون ثلاث نجوم شيء غريب فعلاً ..اتمنى افدتكم والبلد حلوه وتستاهل الزياره

نوع الرحلة: عائلة

الدولة: المملكة العربية السعودية